أقسى فراق

أقسى فراق



تلحق على العقال شرهة مهابيل
وإن طنشوها قيل عيب وفضيحة
الله يبيحك يا زمن وان بدا ليل
ما قول عنك إلا عسى الله يبيحه
ما ولعت سود الليالي قناديل
ولا قربت نبت الخزامى وريحه
ولا غرقت عيني بياض المناديل
ولا عادت كفوف الليالي شحيحه
اللي يجول بخاطري زود الكيل
يطغي على هم القلوب الجريحه
بالله خبرني قبل يكثر القيل
بالله عطني من حياتك نصيحه
مات الصبر في نظرة الجدي وسهيل
واللي رفع راسه لا يامن مطيحه
اطلقت يمنايه بحسن التعاليل
ونقيت من عرض الوجيه المليحه
النية البيضاء وصوت المعاميل
ولا ألد للنابح لو أكثر نبيحه
بس الليالي عجلت هدت الحيل
ما فرقت ذم الشتات ومديحه
ما قسى الفراق اللي قسم جيل عن جيل
اللي غدا هو داي وأنا طريحه
ودي بثاره بس من يسرج الخيل
لو هو محرم مثل دم النطيحه
لا هي بجاهيه ونزلت فناجيل
ولا هي غرام وقطف ورده وشيحه
جرح رويته عذب وأعذب من النيل
أعلنتها لك يا زماني صريحه
لو شفتني أضحك وأجر المواويل
ترى الضلوع الحدب تخفيك صيحه
أو كيف الضرمان بالبن والهيل
كيفي دفنته في بحور القريحه
ومدام علمتك خفى القلب يا ليل
سرا عرفته طالبك لا تبيحه

يعطيك الف عافييه